Si Malandi

Farraiah Maya Manalo's POV

Kinagat ko ang ibabang labi ko habang nakatingin sa dormitoryong may apat na palapag. Hindi na masama. Sa labas palang ay makikita na malinis at maayos ito. Maganda at parang bagong pintura. Ramdam ko pa ang katahimikan kahit may iilang mga sasakyan ang napapadaan dahil along the high way lang ang dormitoryo.

Halos hindi ako matapos-tapos sa pagpuri sa probinsyang ito. Ngayon lang ako nakapunta sa Zambales. Marami na akong napuntahang probinsya pero mukang dito ang magiging paborito ko. Malakas ang hangin mula rito dahil na rin siguro sa dagat na malapit.

Busy ako sa pagtingin ng paligid nang bumukas ang double door ng dormitoryo. Hinawakan ko agad ang maleta ko para maglakad na patungo sa loob. Babaeng nasa mid-40s ang bumungad sa'kin. Naka-spaghetti straps siya at skinny jeans na nagpabata sa maganda niyang muka. Muka siyang masungit dahil sa matataas nitong kilay at itim na eyeshadow pero nang nginitian niya ako ay alam ko na kabaligtaran lang ang iniisip ko.

"Ikaw ba si Fara? Iyong kaibigan ni Nana, tsaka 'yong makakahati sa kwarto?" Tanong nito bago ako tinignan mula ulo hanggang paa at pabalik sa muka ko.

"Ah, Oho!" Hindi ko alam pero pakiramdam ko ay dapat akong maging magalang sa lahat ng tao rito para naman hindi ako mahirapan. Tsaka ibang-iba ang lugar at mga tao rito kumpara sa Manila.

"Ako si Mama Mayete. Ako ang may-ari at nangangalaga sa dormitoryo." Nilahad niya ang kamay at maagap ko naman itong tinanggap. Nakipagkamay siya sa'kin nang nakangiti. She's so pretty!

"Siguro naman ay alam mo na ang presyo na babayaran mo. May dalawang linggo pa bago ang pasukan kaya maswerte ka at nariyan ang kaibigan mo na mahahatian dahil kahit wala pa ang ibang estudyante, wala ng bakanteng kwarto. Nakareserba iyon sa mga estudyante na nakatira rito noon. Nagbakasyon lamang sila. Sa first tsaka second floor ang mga babae. May kaniya-kaniya na rin ang CR ng mga palapag niyo kaya hindi ka mahihirapan."

"Sa third tsaka fourth naman ang mga lalaki. May sariling daan ang mga lalaki at hindi pwedeng dumaan sa hagdanan niyo. Ineng, kung may makita ka mang lalaki na umakyat sa palapag niyo ay pababain mo dahil bawal ang lalaki ro'n! Bawal ang lalaki sa palapag niyo dahil nako! Hindi kayo makaka-graduate kapag nagkataon."

Parang may kumiliti sa loob ko nang marinig na may lalaki rin pala sa dorm na ito. The thought of having boys here makes me wanna giggle. Oh man, Andyan na naman ang malanding side.

Napatawa ako bago tumango. "Ang mga lalaki rin po ba bawal magdala ng babae sa floor nila?" Tanong ko.

"Aba, wala akong pake sa kanila dahil mga lalaki sila. Kaya na nila ang sarili nila kung makabuntis man sila! Ang tanging pake ko lang ay kayong mga babae dahil mapupusok ang kabataan ngayon! Kapag kayo nabuntis, talo kayo! Ok lang na magdala sila ng mga girlfriend nila sa mga kwarto nila basta wala silang idadalang pokpok o kahit na sino sa floor niyo. Mga anak ko na kayo, kaya dapat ay bantayan ko kayo," ani nito sa akin. Kumuha siya ng pandesal at kinagat iyon. Inalok pa nga niya ako pero umiling lang ako.

"Taga-saan ka ba ineng? Sa PRMSU ka rin ba mag-aaral?"

"Sa Manila po ako nakatira. Sawa na rin po kasi ako sa environment doon kaya lumipat po ako rito. Sabi naman po ni Nana, maganda rin naman ang mga paaralan dito," malumanay kong sabi.

"Aba'y tama ka nga naman. Mainit sa syudad! Hindi man gaya ng mga magagandang paaralan nila ang paaralan dito, at least dito sariwa ang hangin!" Ngumiti ako at napatawa.

"Sa Second floor ang kwarto ni Nana. Room 13. Wala kaming elevator dahil hindi naman ganoon kataas ang dormitoryong ito. Iyon ang hagdanan at ibigay mo nalang kay Nana ang bayad para sa buwan na ito dahil may oras at araw ang pagbabayad dito."

Tumango ako bago nilingon ang hagdan na tinuro niya. Nagpaalam ako sa kaniya at hinila ang maleta. Mahirap umakyat lalo na't buhat-buhat ko ang aking maleta.

Nakahinga lang ako nang maluwag nang naabot ko na ang second floor. Pinunasan ko pa ang tagaktak na pawis na namuo sa noo ko.

Hinila ko ang maleta ko at hinanap ang room 13. Nang makita ko iyon ay napangisi ako. Nilingon ko ang hagdan pataas, papunta sa third floor. I was tempted to go up there and see if there is someone I can hook. It will be fun to have fling up there. More thrilling.

Umiling ako para maalis ang malanding pag-iisip. I am tired. Dapat hindi ko atupagin ang ganiyang mga bagay. Kailangan ko pang maghanap ng trabaho dahil sigurado ako na hindi kakasya ang singkwenta mil na pinabaon sa'kin ng pinakamamahal kong ina.

Wala na akong balak bumalik pa sa kaniya. Babangon ako ng ako lang.

Naalala ko ang araw na binigay niya sa akin ang pera at ang pagiging kating-kati kong makalayo sa kanya.

"May napakaganda kang unibersidad na pinapasukan tapos gusto mong lumipat sa Zambales para sa pipitsugin nilang paaralan? Mahal ang binabayad ko sa school mo! Idagdag pa ang mga suhol na binibigay ko dahil sa mga kalokohang ginawa mo! You were caught making out in a prayer class! You broke the faculty's glass window! You cheated on your examination! I don't know how worst than that you could do!"

Umirap ako ng palihim. Hindi na ako sumagot dahil hindi ako gano'g klaseng anak.

Ayaw kong manumbat at kelan man ay hindi ko gagawin iyon. Magaling akong magpigil, magaling akong umarte.

Sabi nila Mother like daughter, tama nga naman sila. Malandi ang nanay, malandi rin ang anak. Kung ano ang nakikita ng anak, iyon ang gagayahin ng anak.

Naglalandi siya? Maglalandi rin ako. Wala naman akong problema roon e, wala akong sinusumbat kahit na palagi akong inaasar ng mga kaklase ko noon na malandi ang Mommy ko.

Immune na ako at wala akong pake sa iisipin ng ibang tao tungkol sa nanay ko dahil totoo naman. Hindi nila masabihan si Mommy ng 'pokpok' dahil ang salitang iyon ay mababa. Mayaman kami at sapat ang salitang malandi para i-describe ang Mommy ko. Iyon ang advantage ng pagiging mayaman.

Kung malandi at mahirap ka, bagay sayo ang salitang pokpok pero kung mayaman at malandi ka, mahihiya ang mga taong mang-alipusta.

Wala akong problema noon, pero nang maintindihan ko na hindi ko na kaya ang ugali ng nanay ko ay gusto ko nang lumayo. Nandiri kasi ako sa sarili ko dahil ginaya ko siya at ni wala man lang akong problema roon kaya ginustong kong lumayo. Para hindi ko siya makita at para makagalaw ako nang walang pag-aalinlangan. Hindi ko alam kung anong logic ang meron ako pero ang alam ko, ito ang gusto ko.

"My, hindi ka ba nag-aalala sa'kin? Ayaw na ako ng school ko. Tsaka gusto kong subukan ang mag-aral sa probinsya. May kaibigan ako roon, hindi ako magpapabaya kung iyan ang iniisip mo."

Pinaningkitan niya ako ng mata na parang tinatantya. Pinahaba ko ang nguso ko. Makaalis lang ako rito, hindi na ako babalik. Mamumuhay ako ng mag-isa ko lang.

"Ipapahatid kita-"

"Hindi na! Marunong akong mag-commute. Bigyan mo nalang ako ng pera, My." Nanlaki ang mata niya sa sinabi ko. Wala siyang idea kung hanggang saan na ako nakapunta kaka-commute. Mayaman ako at may sarili akong kotse pero hindi ko iyon ginagamit pag umaalis ako ng syudad. May tracker iyon at sigurado akong mahuhuli niya ako. Ngumisi ako.

"Faraiah Maya Manalo, kelan ka pa natutong mag-commute? Nagkukulang ba ako ng paalala sa'yo na hindi ka isang simpleng dalaga lang d'yan na pakalat-kalat? Ipinangako ko sa Daddy mo na hindi ka madadapuan ng kahit ano, kahit lamok!"

Hindi nalang ako sumagot. Naalala ko si Daddy. He loved Mommy with all his heart despite the itching attitude my Mom had when she was teenager. Nagbago lang naman si Mommy nang makilala niya si Daddy pero nang nawala si Daddy bumalik lang ang ugali niya sa dati. Hindi naman siya nagkulang sa'kin pero gusto ko lang kasi talagang maging malaya. Mahal niya ako at hindi pinapabayaan kaya hindi ko alam kung bakit ganito ang kinalabasan ko.

Hinayaan ko siya sa mga pangaral niya dahil alam ko naman na sa huli ay papayagan din niya ako. Hindi ko kailangang mag-alala pag-iniwan ko siya dahil nandyan naman ang mga lalaki niya para alagaan siya. Ngumiwi ako sa naisip.

"Manang! Paki ayos ang gamit ni Fara! Make sure na lahat ng kailangan niya ay dala niya!" Ngumiti ako ng malawak. She agreed!

I told her that I love her and as soon as I got the money and my things I quickly went out of the house. Mabilis ang desisyon ko pero kailangan kong mag-adjust sa bagong lugar na titirahan ko. Hindi ko na rin tatanggapin ang pera na nasa bank account ko dahil ang gusto kong buhay ay hindi dumedepina sa kahit na sino.

Kumatok ako sa pinto ni Nana. Ilang katok ang napakawalan ko bago bumukas ang pinto. Tinignan ko mula ulo hanggang paa si Nana na nakapadyama at jacket na puti. Mahinhin siyang bumati at ngumiti sa'kin bago ako pinapasok sa loob.

Nilibot ko ang paningin sa kabuoan ng kwarto. May double deck sa gilid, nasa tapat ng bintana ang isang study table na may lamp. Meron din medyo lumang sofa at maliit na ref. Malinis at maliwanag ang buong kwarto na nakapagpalawak pa ng ngiti ko.

"Akala ko sa susunod na linggo ka pa darating!"

Nilagay ko sa double deck ang maleta ko bago siya nilingon. Sumakit ang mata ko sa damit niya.

"Kung may cellphone ka lang ay nalaman mo na sana agad na darating ako. Buti pala alam ko ang address mo! Tsaka, what are you wearing? Mag-bonet ka na rin kaya? Mainit ang panahon tapos balot na balot ka."

Ngumuso siya at naglakad papunta sa sofa. Umupo siya roon habang sumisipsip sa chuckie na hawak niya. Maganda si Nana pero hindi lang siya pala ayos. Baduy siya kung tutuusin pero malaanghel talaga ang feature niya kaya kahit balutan mo siya ng basahan ay makikita pa rin ang kagandahan niya. Alam ko rin na maganda ang hubog ng katawan niya kahit maluwag ang kan'yang suot na damit dahil nagtrabaho siya bilang katulong sa bahay noon. The uniform fitted her body well.

"Kaya ka hindi nagkaka-boyfriend e," pang-aasar ko. Sa ganda niyang iyan ay kahit kelan hindi pa siya nagkaka-boyfriend. Masyado siyang mahinhin at traditional. Hinihintay raw niya ang itinakda ni Lord para sa kanya. Paano niya makikita ang bigay ni Lord kung nandito lang siya at nagmumukmok?

"Nangako ako kay God na magbo-boyfriend lang ako pagtapos na akong mag-aral. Tsaka makakapaghintay ang pag-ibig na iyan 'no! Saka na ako magpapaganda."

Umupo ako sa tabi niya. Inagaw ko ang chuckie at sumimsim doon. I respect her and I will never let her follow the same path I took. She's my bestfriend. She's the only one who understands me.

"Magchu-church ako bukas. Sama ka?" Tanong niya sa 'kin. Tinaasan ko lang siya ng kilay. Me? Magsisimba? Makasalanan ako, baka iluwa lang ako ng simbahan.

"I might burn, Nana!" Natawa siya sa sagot ko. Hindi ako ganun ka OA pero hindi ko nature ang pagsisimba.

"Sige na! Please? Magugustuhan mo roon. Makikinig ka lang naman. Pagbigyan mo na ako kahit ngayon lang. Promise, hindi na kita kukulitin sa susunod." Umirap ako. Alam ko namang kahit hindi ako pumayag ngayon ay pupunta pa rin ako dahil hindi ko siya matitiis.

Tuwang-tuwa siya nang pumayag ako. Siya pa mismo ang nag-ayos ng mga gamit ko at nilagay ang mga damit ko sa cabinet na walang laman.

"Ano namang sinabi ni Maam Faye sa pagtira mo rito?" Tanong niya habang nag-aayos ng mga damit ko. Lumapit ako para tumulong.

"As always naman, nilait niya ang school na papasukan ko at pumutak ng pumutak pero pumayag din naman siya."

"Ganun naman talaga si Maam e. Naalala ko noon, sinabihan niya ako na marumi akong babae, pero hindi ko naman iyon kinasasama ng loob." Tumawa ako nang maalala iyon. Nalaman kasi ni Mommy na nakikipagkaibigan ako sa kan'ya. Iyon din ang huling pag-uusap nila ni Mommy dahil pinatalsik siya agad sa bahay.

Hindi ko hinayaang umuwi agad si Nana sa probinsya nila dahil kasalanan ko kung bakit siya nawalan ng trabaho. Pinatira ko siya sa condo ko habang naghahanap siya ng panibagong trabaho. Umuwi lang siya kamakailan dahil mag-aaral daw siya rito at doon ko naisipang sumama sa kan'ya.

"E ikaw, kaya mo ba ang buhay rito? Itutuloy mo pa ba ang plano mo na hindi ka na babalik sa inyo? Hindi singganda at laki ng kwarto mo ang kwarto rito sa dorm."

Tinaasan ko siya ng kilay. Iniinsulto ba niya ako? Kelan man wala akong kinaartehan sa buhay. Magaling akong mag-adjust sa kahit ano kahit maluhong akong tao.

"For the I don't know how many times, my answer will still be yes. I'll stick with my decision. May pera akong bigay ni Mommy at bago pa man maubos ay maghahanap na ako ng trabaho para mabuhay ko ang sarili ko. 19 na ako, at tatlong taon nalang ay matatapos na ang pag-aaral ko. Graduate ako ng K to 12 kaya madaling makahanap ng trabaho. Ipagpapatuloy ko nalang ang course ko na nasimulan."

Pareho kaming nasa second year na ng collage ni Nana at Education ang kinukuha niya ngayon.

"Sa pinagtatrabahuhan ko, nirekomenda na kita. Kailangan mo nalang magpasa ng resume bukas. Kailangan kasi nila ng isa pang sales lady, pero pagpasukan na may night job naman na nirekomenda ang Boss ko para sa atin." That makes everything for me live easier! I don't need to find a job!

"Kaya nga ang swerte-swerte ko kasi bestfriend kita e!"

Ngumiti lang siya sa'kin ng matamis. Nagpatuloy kami sa pag-aayos hanggang sa matapos. Ako ang nagpresinta na magluto dahil may nakita akong manok sa fridge niya. Hinayaan naman niya ako at inayos ang mga damit na nakakalat sa gilid.

"Bukas bibili tayo ng uniform mo. Sa lunes naman ay sasamahan kitang magpa-enroll," palala niya sa'kin. Tumango lang ako habang hinihiwa ang manok.

"Ipapaalala ko lang, Fara, no boys allowed here."

Nakangisi ko siyang nilingon. She knew how much I love doing boys.

"I of course don't want to break your old tradition and beliefs. Sa motel nalang-"

"Yuck! Fara, tigilan mo nga iyang mga ginagawa mo! Baka mabuntis ka ng maaga niyan. Pa'no nalang ang pag-aaral mo?" Baritonong sabi nito sa akin na ikinatawa ko ng malakas.

"Syempre alam ko ang mga consequence ng mga ginagawa ko 'no! I still need to graduate at kahit sobra ang ingat ko ay hindi pa rin natin alam ang pwedeng mangyari kaya simula ngayon ay hanggang make-out nalang," natatawa kong sabi pero seryoso talaga ako sa mga sinabi ko. Tuloy ang landi pero tigil ang sex.

I admit that I am no longer virgin. Ano bang aasahan niyo na ang laking syudad at malandi na tulad ko ay birhen pa? Madaming tuksong nakakakalat diyan sa labas at isa ako sa mga taong nakapulot.

Ang tukso para lang 'yang wallet sa daan. Nakakaakit, nakakatuliro, nakakawala ng isip. Hindi magdadalawang isip na pulutin kahit walang kasiguraduhan kung may maganda bang nasa loob o wala. Tanggap ko sa sarili ko na malandi ako. Hindi ko iyon tinatago at kinakahiya dahil lahat naman ng tao ay may tinatagong landi. Iyong iba ay nahihiya lang ilabas dahil nga pakiramdam nila ay kahiya-hiya ang ugaling iyon.

"Tama! Sumama ka nalang sa akin sa church bukas, baka sakaling mabago pa kita."

"Ewan ko sayo."

Kinabukasan, si Nana ang nagluto ng breakfast namin. Saktong 7:30 nang inutusan niya akong maligo para makapaghanda na habang siya ay nagliligpit. Dala ko lang ang tuwalya at lalagyanan ng sabon at shampoo nang pumunta ako sa banyo. Naabutan ko ang isang babae na nakatapis doon. Nagsisipilyo siya kaya nang makita ako simpleng kaway lang ang ginawad niya sa'kin.

"Hi! Bago ako rito. Anong pangalan mo?" Nakangiti kong tanong. Tinaas niya ang kamay para sabihing saglit lang. Nagmumog siya bago ako hinarap. Maganda siya, morena, matangos ang ilong, maganda ang labi at may malaking hinaharap.

"Ako si, Heaven."

Napabaling ako sa hinaharap niya. Heaven nga.

"Doon ka ba nakatira ngayon kay Nana? Kaibigan din ako ni Nana at kinukwento ka niya sa 'kin."

Tumango ako. "Nice to meet you! I'm Fara. Alam mo, you are so pretty!"

Napatawa siya sa sinabi ko.

"Gusto ko sanang makapag-usap tayo ng mas matagal pero kailangan ko na kasing maligo dahil baka bungangaan ako ni Nana. Magsisimba kasi kami ngayon sa church nila."

"Gano'n ba? Sige, sa susunod nalang. Nice to meet you too!"

Mabilis akong pumasok sa isang cubicle. Tinanggal ko ang lahat ng saplot ko at binuksan ang shower. Napasigaw ako sa lamig ng tubig.

"Fara, 'wag kang sumigaw diyan! Maaga pa, baka magising ang iba!" Rinig kong sabi ni Nana. Tapos na siguro siyang magligpit. Narinig ko ang pagbukas pa ng isang cubicle. Nanahimik nalang ako at pinokus ang atensyon sa pagligo. Nakatapis akong lumabas. Bente segundo siguro ang lumipas bago lumabas na rin si Nana pero nakadamit na siya.

"Wala kang dalang damit?" Tanong nito nang makitang nakatapis ako at walang ibang hawak kung hindi ang lalagyanan ng sabon.

"Nasa kwarto."

"Maglalakad ka nang ganyan palabas?"

"Wala namang masama a-"

"Baka may makasilip sa'yo riyan sa labas! Malayo pa naman ang kwarto natin mula rito," nagagalit niyang saway sa 'kin. Napatawa lang ako. Hindi ko ikamamatay ang paglalakad ng nakatapis 'no! Tsaka apat na kwarto lang ata ang pagitan ng kwarto namin at ng banyo kaya hindi ko alam kung bakit super OA itong si Nana.

"Kalma nga, puro babae ang nasa palapag natin 'no. Tsaka hindi naman ako hubo't hubad na maglalakad a, nakatowel pa ako oh!"

Palibhasa para siyang lola ko sa mga paniniwala niya.

"Para lang akong nag-tube at skirt. Anong pinagkaiba nitong towel sa palagi kong sinusuot? Wag kang OA, Nana."

Ngumuso lang siya. Hindi na kami nagtalo pa dahil mahuhuli na raw kami. Mabilis lang akong nagpalit at nag-ayos ng sarili. Hindi na ako naglagay ng kung ano-ano sa muka dahil magsisimba lang naman. Para na rin magmukang maayos. Naka-dress ako na floral at si Nana naman ay naka palda at isang flannel shirt. Hindi ko mapigilang ngumiti sa suot niya. Ang baduy pero nadadala iyon ng ganda niya.

Nagawa ko pang i-braid ang buhok ko. Hindi ko na nakuhang tignan ang muka ko sa salamin dahil hinila na ako palabas ni Nana. Saka ko lang nakita ang sarili ko nang makarating kami sa lobby. May malaking salamin doon at napataas ang kilay ko dahil muka akong nene sa suot ko. Idagdag pa na nakatirintas ang buhok ko. Malayong-malayo sa Fara na makalaglag laway sa ka-sexy-han noon.

Woah, I like this change.

Akala ko ay malayo ang simbahan na tinutukoy ni Nana. Nalaglag ang panga ko dahil dalawang kanto lang ay naroon na kami. Hindi gan'on kalaki ang church nila. Para lang itong bahay na ginawang bahay sambahan. Mula sa labas ay may mga tao na akong nakikita.

"Fara, dali!" Hinila ako ni Nana papasok ng gate.

"Uy, Nana! Kanina ka pa hinahanap ni Sis El! Ikaw raw ang aawit ngayon!" Ani ng isang babaeng kagagaling sa loob ng church.

"Ah, oo. Sinabi niya sa akin kahapon. Nand'yan na ba sila?"

"Oo eh."

"Ito nga pala si Fara, kaibigan ko." Ngiti at kaway lang ang nagawa ko dahil hinila na naman ako ni Nana. May nakakasalubong kami at lahat sila ay nginingitian kami. Sobrang bait nila!

Pagpasok namin ay nabungaran ko ang isang mini stage sa gitnang dulo. Mayrong set of drums doon, mic sa gitna, gitara sa gilid at electric guitar sa tabi no'n. Mga monoblock naman na pila-pila ang nasa harap ng stage.

"Andyan na si Nana! Tawagin niyo na ang mga nasa labas para makapagsimula na!" Sigaw ng babaeng medyo may edad na. Marami sila roon na nagkukumpulan pero isa lang ang nakakuha ng atensyon ko.

There is a man sitting at the corner of this room. Nakahilig ang ulo niya sa pader at nakapikit ito. Kitang-kita ko mula rito ang adam's apple niya at ang nakakaakit nitong panga. His biceps are huge and tight. Maputi siya at hindi nakalagpas sa paningin ko ang mapupulang labi nito.

Napalunok ako. I never knew a probinsyano man can be this so hot! Wait, pure Filipino ba siya, o may lahi? Ngayon lang ako nakakita ng ganyan kagwapong lalaki. Kung ikukumpara ang mga lalaking nakilala ko sa modeling sa kaniya ay magmumuka lang silang totoy.

Partida nakapikit siya pero akit na akit na ako, what more kung bumukas pa ang mga mata niya? Will that eyes look at me intensely?

Siya ang lalaking hindi palalampasin ni Faraiah Maya Manalo kung wala lang ako sa sitwasyon ko, pero hindi na ako tulad noon. Pag-aaral ko muna ang iintindihin ko ngayon, plus I like the new me. Muka akong inosente.

Ayaw ko rin siyang maging fling lang kung matayog pa rin na nakatayo ang 'make out lang, no sex' rule dahil baka mabali lang iyon. Sa katulad niya ay hindi sapat ang isang halik mula para maibsan ang lahat. Baka hindi ko na tigilan ang paghalik sa kan'ya pag nagkataon dahil ngayon pa nga lang na nasusulyapan ko lang ang kanyang labi ay adik na adik na ako, pano pa kaya kung natikman ko na.

Nakatitig lang ako sa kaniya at bahagya pa akong nagulat dahil biglang bumukas ang mata nito na parang naramdaman niya ang pagtitig ko. Napasinghap ako at hindi ko alam kung paano ko naiwas ang mga mata ko sa kaniya nang nilingon niya ako.

He is so hot!