Detoxify

Avery's Point of View

"I love you."

"I love you."

"I love you."

Sabay-sabay na sabi sa 'kin ng tatlong lalaking hindi ko kilala.

Nagtitigan kaming tatlo hanggang paunti-unti silang lumalapit saakin na para bang nang-aakit.

Agad akong tumakbo hanggang sa makita ko ang isang puting pinto na may nakalagay na number 7.

Agad akong pumasok doon para matakasan ang tatlong lalaking humahabol sa 'kin.

"You are only mine." Agad akong lumingon sa pinanggalingan ng boses na aking narinig at nagulat ako nang makita ko ang lalaking naka-topless lang na naka-upo sa kama at unti-unting lumalapit saakin.

Nagulat ako sa inasta nitong lalaking 'to kaya napakapit ako sa aking katawan.

"Lumayo ka!" Sigaw ko sa gwapong nilalang na ito ngunit parang wala naman itong narinig.

Hindi siya tumigil hanggang sa narating niya rin ang aking kinaroroonan.

Agad niyang hinawakan ang magkabila kong balikat at siya ay nagsalita.

"You are only mine Avery, and no one is allowed to love you except me." Unti-unti niyang ginalaw ang kaniyang mukha palapit sa mukha ko upang magdikit ang aming mga labi.

"I love you, Avery." Dagdag pa ng lalaki sa harapan ko habang papalapit na ang mukha nito hanggang sa...

"GUMISING KA NANG BAYUT KA!"

"Ahhh!" Agad akong napabangon sa aking kama. Hindi ako nagising dahil sa bibig ng hayop kong kapatid kundi dahil sa malamig na tubig na may kaunting buo-buo pa sa aking mukha.

Kaya napasigaw ako sa sakit at lamig.

"Kanina pa tinatawag, eh. Kung hindi pa bubuhusan, hindi pa magigising. Bumaba ka na riyan at hinahanap ka na ni daddy." Siyempre may after shock pa ako kaya 'di ako nakaganti.

Bago at hindi si Yaya Mel ang gumising sa akin. Hmm, baka tumutulong maghanda ng breakfast.

Tatayo na sana ako nang maalala ko 'yung panaginip ko.

"Andun na 'yun, eh! Malapit nang dumikit!" Pagmamaktol ko sa aking kama.

Agad kong inisip kung sino 'yung taong iyon ngunit hindi ko mawari kung sino. Pero pamilyar yung mukha niya sa 'kin ha.

"Sino kaya iyon?"

"Hays! Panaginip lang kase!" Sabi ko sa sarili at agad na akong bumangon para mag-ayos.

"Morning dad! Morning mom!" Pagbati ko sa aking mga magulang. Humalik ako sa mga pisngi nila at umupo sa kanilang tabi.

Naghahain naman na ang iba pa naming kasambahay ng mga pagkain. And oh, we're having bacons, eggs, and hotdogs for breakfast. Mga cliché breakfast pero keri na.

"Sabi ni Jill, tawag mo raw po ako dad?" Agad-agad na tanong ko bago kumuha ng rice.

Na-curious kase ako nang bongga sa sinabi ni Jill. Minsan lang kasi makausap si dad lalo na't busy siya sa business.

Actually, as in, bago nga talaga na nakasabay ulit namin siyang mag-breakfast kase napaka-hectic ng schedule niya sa company. Halos wala na siyang time sa'min.

Pero siyempre, dahil lablab ko ang dad ko ay naintindihan ko naman iyon.

After all, para rin naman saamin ang ginagawa niya 'di ba? Tama o tama?

"This school year ay lilipat ka ng school." Ma-awtoridad nitong sabi habang seryosong inaasikaso ang kaniyang pagkain. Okay, 'yun lang naman pal- HaAaAaaa?

"WHAT?!" Gulat kong sigaw ko sa hapag. Seriously!?

"Pero dad, wala naman akong bagsak na grades. Where in fact, I am the top of my school! Wala rin akong ginagawang mali, ni hindi ko pa nga nasusubukang mapatawag sa Dean's office dahil may nagawa o nalabag akong rules, eh. At isa pa, nandoon lahat ng friends ko! You don't have the rights to do that!" Pagtutol ko nang bongga sa kaniyang mga tinuran. Jusme, sa gulat ko ay andami-dami nang mga lumalabas sa bibig kong bad words.

Ang ganda ng pinapakita ko na performance sa school tapos ililipat nila ako? Duh! And yup, I am the top of my school. Pero kung sa ibang bagay na 'yung pag-uusapan, siyempre bottom ako.

"No! As your father, I have all the rights to make any decision in this family, lalo na't magf-first year college ka na!" Sabi ni dad sa mataas niyang tono na paninigaw niya sa akin.

Sa sobrang inis ay tinabig ko yung mga pagkain sa lamesa. Uh-oh, napa sobra ata ako ro'n. Anyways, napatayo na nga ako.

"But dad! Parang napaka-unfair naman no'n, malapit na mag-start 'yung pasukan! Ang dami ko pa namang mga plans this year sa campus! Mom oh!" Paghingi ko ng tulong kay mom ngunit binigyan niya lang ako ng 'wala akong magagawa' look kaya naiiyak na ako sa inis. Kasi naman!

Alam niyo 'yung feeling na super dami mo ng plans tapos magpa-pop nalang bigla na parang bula dahil ita-transfer ka na sa ibang school? And the worst thing is biglaan pa!

I'm an incoming first year college, yes. 'Yung current school ko kase has primary, secondary, and tertiary education.

Gosh, ni hindi pa nga ako nakakapag-paalam sa mga lokaret kong kaibigan, eh!

"I said no! That's it, lilipat ka at magdo-dorm ka rin doon sa ayaw at sa gusto mo." Ayun na nga't umagos na ang mga luha ko na kanina pa nagbabadiyang lumabas.

"I hate you!" Tanging mga salitang lumabas sa aking bibig na sigaw ko kay dad at tumakbo pabalik sa aking silid.

Tanggap naman nila ako as a trans and they are very supportive saakin kasi binibigay nila lahat ng gusto ko.

And that Jill, grr! Kanina panay ang kita ko ng ngisi sa mukha niya.

For sure, namamatay na kakatawa 'yon because of what happened kanina. At nakatitiyak akong aasarin na naman ako ng lalaking 'yon nang bongga!

Yes, binibigay nila lahat ng gusto ko and the same with my kapatid din of course! 'Yung bakulaw na 'yon papatalo? Tsk!

On the other hand, laking pasasalamat ko na rin dahil hindi nila ako kinasuklaman noong nalaman nila ang pagiging ganito ko.

Well, ever since bata kase ako mahahalata mo naman na the way na kumilos ako. Vavaihan!

One-time nga, naiwan ako sa kwarto nila mom and dad at nakita ko 'yung mga make-ups ni mom. And yeah, pinakialaman ko na.

Naisip ko that time, it's a very big opportunity for me kaya I grabbed it.

Guess what? Naku mga dzai, gandang-ganda ako sa sarili ko no'n kahit na lagpas-lagpas naman 'yung lipstick na nilagay ko.

Ang kapal din nung eye shadow, lalo na 'yung blush on! Kung tutuusin nga eh para na akong clown. Hep-hep! Siyempre isang magandang dyosaviliting clown!

Pero OMG by NewJeans! Kahit anong isipin ko ngayon ay nabu-bwisit pa rin talaga ako sa nangyari kanina because this is the first time na hindi nila ako pinayagan na ipagpilitan ang gusto ko.

Iyak lang ako nang iyak na para bang isang batang babae na hindi binil'han ng barbie.

Sa pagod ko na rin kaka-iyak ay kahit kagagaling ko pa lang sa pagtulog ay nakatulog ulit ako. Jeez hindi pa 'ko kumakain ng breakfast!

Pero keri lang, hindi naman siguro mababawasan ang ganda ko neto. Tampo mode ako kay dad ngayon kaya ayaw ko munang bumaba roon.

Magpapadala na lang siguro ako kay Yaya Mel mamaya rito ng favorite ko. Magpapaluto ako ng ibang ulam.

And so ayun, nakatulog na nga ang inyong dyosang Avery...

"Just put that thing there." Nagising ako dahil sa isang pamilyar na boses. Nagtataka rin ako kung bakit hindi na malambot 'yung kamang hinihigaan ko at bakit parang hindi na 'ko kumportable sa ayos ko.

"So, it's settled. Gisingin niyo na siya." It's my dad at may kausap siya. Agad akong tumayo at nagulat sa aking nakita.

"No way!" Pagkalabas ko ng kotse, which is 'yung tinulugan ko, ay napasigaw ako nang bongga kaya nagulat ang mga taong naririto.

"Welcome to Hendrix University! And this is an all-boys' school!"

Itutuloy...