My Oppa Is Gay

"JEANIE POV"

"Oppa! Oppa!" Mahina kong tinapik-tapik ang balikat n'ya upang gisingin siya pero mukhang pinahihirapan pa yata ako ng baklang 'to sa pagpapalayas sakan'ya.

"Hoy! Vicente gumising ka na! Umuwi ka na sa inyo. Alam ko gising ka, nagtutulog-tulugan ka lang" Nakapamewang na sita sakan'ya.

Thss. mag-aayang mag-movie marathon tapos tutulugan lang pala ako ng loka. Kung hindi ko pa alam, gusto niya lang namang tyempuhan sila kuya na naglalakad dito nang nakaboxers.

Gwapong-gwapo kasi s'ya kay kuya Zion at kuya Zack. Kung makikita niyo lang, kung pa'no niya hagurin ng tingin mula ulo hanggang paa sila kuya sa t'wing daraan sa harapan niya, akala mo hinuhubaran na niya.

Lalo na sa t'wing nagbabasketball sila. Kung maka para-paraan ng pag-tsansing kila kuya napakagaling!

Well, Alam naman nila kuya na may pagkapusong mamon si Vince. Dahil simula't sapul pa lang naman si Vince na ang nag-iisa kong bestfriend.

Isa pa, ilang bahay lang din naman ang pagitan ng bahay nila samin. Kaya kahit alam nilang bakla si Vince, tanggap naman sya nila kuya. Hindi din nila binibigyan ng malisya yung mga pasimpleng galawan ni Vince sakanila. Kumbaga, tinuturing na lang nilang biro ni Vince sakanila yun.

"Bukas na ako uuwi." Vince.

Bumaling sya ng pagkakahiga paharap sa akin.

Kapag ganitong nakikita kong tulog sya or nakapikit lang tapos tahimik lang sya, pakiramdam ko hindi sya bakla. Feeling ko isa talaga syang tunay na lalaki.

LALAKI..

Kung lalaki ka lang talaga! Malamang naging crush kita. Kaso, mas madami ka pang crush na lalaki kesa sakin eh!

BAKIT BA ANG DAMI NYONG GWAPONG BAKLA? Sayang kaya lahi nyo.

"Ano ka hilo? Kahit na ano pang sabihin mo, lalaki ka pa din at babae pa din ako." Though sanay na akong tumatabi sya sakin sa pagtulog dahil ganoon kami nung mga bata pa kami pero elementary pa kami nun. Iba na ngayon.

Senior High na kami at hindi na magandang tignan na magkatabing natutulog sa iisang kwarto ang isang babae at lalaki, kahit pa sabihing bakla sya.

"Kahit na maghubad ka pa sa harapan ko at gumiling-giling dyan, hindi kita papatulan uy! Kilabutan ka nga sa iniisip mo Jeanie!" Muli syang bumaling ng pagkakahiga patalikod naman sakin.

Bumangon ako sa pagkakahiga at tinignan sya.

Ayaw mo talagang bumangon na bakla ka ha!

"Umuwi ka na! Umuwi ka na! Umuwi ka na!" Sabi ko habang pinaglalaruan ko yung mata nya at pilit na pinadidilat.

"Jeanie naman!" Bawal nya sakin habang iniiwas nya ang mukha nya.

"Umuwi ka na! Uwi na." Patuloy ko.

"Jeanie!" Hinawakan nya ang kamay ko at bumaling ng pagkakahiga.

Pareho kaming nagkatitigan pero ako ang unang nag-iwas ng tingin. Naramdaman din siguro nya na awkward ang sitwasyon kaya sya na rin ang unang bumangon.

"Kaloka yang pimples mo Jeanie! Hinog na hinog, kadiri!" Napahawak ako saglit sa may mukha ko. Akala ko na-awkward din sya sa sitwasyon kanina yun pala nandiri lang sa tigyawat ko kaya bumangon. "Maka uwi na nga, baka malipat pa sakin yang mga tigyawat mo." Vince habang inaayos ang sarili.

Pinagmasdan ko saglit ang likuran nya habang sinusuot nya yung rubber shoes na regalo ko sakanya last last birthday nya.

Isa si Vince sa mga nakita kong gwapong bakla kaya nakakahinayang talaga na yung mga tulad nya hindi magkakagusto sa tulad ko.

Ano ba 'tong naiisip ko?

Of course aminado naman talaga akong gwapo ang bestfriend ko at tanggap ko naman na bakla talaga sya. Bagay na malabo nang may magbago pa.

"Ang gwapo mo Oppa." Mahina ngunit alam kong sapat na iyon upang madinig niya. "Kapag nakatalikod." Hinaluan ko yun ng kaunting pang-aasar na may kasamang katotohanan din naman.

"Eew! Lubayan mo yung katatawag sakin ng Oppa na yan! Simula nang mahilig ka sa kpop-kpop na yan pati ako dinadamay mo na dyan!" Vince.

"ARTE MO!" Mahina ko syang sinipa sakanyang likuran. "Umuwi ka na nga. inaantok na ako, daanan mo ako bukas ha!" Sabi ko habang inaayos ko yung higaan ko.

"Oo na, San daw ba tayo magkikita-kita?" Vince.

1st Anniversary kasi ngayon ng kaibigan naming sila Anne at Vhon. manlilibre daw si Vhon.

Syempre pagkain din yun sayang din yun. Libre naman eh.

Naging kaibigan namin sila ni Vince noong tumungtong kami ng middle school or grade 7.

Since then until now magkaka-klase na kami. Hindi kami pumapayag na mapunta sa ibang section ang isa samin, ganun kami ka-SOLID!

Natatandaan ko pa nga noon na napagkamalan nila kami ni Vince na mag-jowa. Hindi daw kasi agad nila nahalata na may pagkabakla pala si Vince, dahil hindi naman din ladlad na ladlad ang kabaklaan ni Vince. Kumbaga bakla sya inside but man on the outside. Inshort PAMINTA!

Originally, si Vhon at Josh talaga ang matagal nang magkaibigan. Actually they are in a dance group.

Then si Anne naging close lang kami kasi naging mag-seatmate kami, naging barkada namin sila Vhon at Josh nang ligawan ni Vhon si Anne na syang classroom muse namin noon.

but anyway, Let's go back to Vince's question.

"Hindi pa nga din nagre-reply si Anne eh." Sagot ko.

"Yang Vhon naman kasi na yan, hindi pa kasi tayo sunduin na lang. Sya nga 'tong may wheels! Puro papogi points kay Anne lang ang alam." Vince.

"Hayaan mo na, ililibre naman tayo eh." Pagtatanggol ko kay Vhon.

"Dapat lang noh, halos tayo ang nangligaw kay Anne nun diba? Hindi naman sya papatulan ni Anne kundi dahil satin kaya dapat lang, manglibre sya!" Nang tumayo na sya at akmang aalis na ay sumunod na din ako sakanya para ihatid sya sa labas at para din mai-lock ko na yung pintuan sa sala.

"Anong oras mo ko susunduin bukas? " Tanong ko habang pababa kami sa hagdan.

"Alas nueve?" Parang hindi pa sya sure sa sagot nyang yun. "Girl, magsuot ka naman ng maayos bukas ha? tsaka magsuklay ka. Konti na lang muka ka ng lion king! Palagi pa man din tayong napagkakamalang magjowa. Kahit siguro lalaki ako, hindi ako papatol sa babaeng mukang hindi nagsashampoo." Vince.

"Grabe ka namang manglait. Nagrereklamo ba ako kapag nangangamoy yung paa mo?" Ganting panglalait ko sakanya. "Tsaka, wag ka ring feeling girl. Kahit naman lalaki ka, hindi rin naman ako papatol sayo. Mas malandi ka pa kaya sakin. Bilisan mo nga!" Pairap na nagpatiuna ako sakanya sa paglalakad.

"Kung sabagay, kung naging lalaki nga ako, syempre ikaw lang ang jojowain ko." Vince.

Napalingon ako sakanya, saktong nasa pintuan na din ako.

"Akala ko ba ayaw mo sa babaeng mukang hindi nagsashampoo?" Pataray kong sagot.

"Ayoko nga, pero syempre, ikaw lang naman yung babaeng matagal ko nang kakilala, syempre bakit pa ako maghahanap ng iba kung nandyan ka naman." Vince. "Pero mas type ko pa din talaga yung kuya mo." Sabi niya bago tuluyang nagpaalam sakin.

MALANDING BAKLA TALAGA!!

**

-MALL

-11:18 AM

Mahigit isang oras na kaming naghihintay ni Vince dito. 10 am kasi ang oras na itinext ni Anne sakin.

Kanina pa talak ng talak sa phone si Vince dahil sobrang inip na inip na talaga ang lola nyo. Idagdag mo pa ang gutom! Hindi kasi kami parehong nakakain ng breakfast, nagbaon nga lang ako ng isang skyflakes talos naghati pa kaming dalawa kaya nagwawala na talaga yung mga bulate namin sa tyan.

Nagpasya kaming kumain muna sa isa sa mga food court dito sa mall. Since, mukhang matatagalan pa yung manglilibre samin at hindi na talaga kaya ng powers namin yung gutom!

"Ano? Asan na kayo? Alas dyis ang usapan diba? Filipino time nanaman kayo!" Vince. Siguradong basag na eardrums ni Vhon sa kabilang linya.

"Miss." Nabaling ang atensyon ko sa lalaking tumawag sakin. "Makikiupo ha?" He smiled on me.

Nakangiting tumango lang naman ako bilang pagsagot matapos ay muli akong tumingin sa kinaroroonan ni Vince.

He is staring at me, ang seryoso ng mukha nya habang nakatingin sa direksyon ko or baka dito sa lalaking nakiupo sya nakatingin. Saglit kong tinapunan ng tingin yung lalaking nakishare sakin ng table.

Ganitong ganito ang bet na bet ng baklang yun eh. Tall, dark and handsome at yung medyo tsinito.

Binaling kong muli ang tingin ko kay Vince. Papalapit na sya sa kinauupuan ko.

"Jeanie!" tawag nya sa pangalan ko. nakita kong saglit nyang tinapunan ng matalim na tingin yung lalaking nakishare sakin ng table.

BAKIT KAYA? HINDI NYA BET?

"Oh, anong sabi? nasan na daw sila?" tanong ko.

"Tara!!" Hinawakan nya ako sa braso at parang pilit na pinapatayo.

"Nandyan na daw?" Muli kong tanong sakanya. Hindi ko magets yung kinikilos nya.

"Tara na! Tara na." Pinipilit nya talaga akong patayuin.

"Bakit ba? nasan na ba kasi sila?" Kahit na medyo nagtataka, sumunod na lang ako sa gusto nya.

Inalalayan pa nya ako sa pagtayo sa pamamagitan ng pagpatong ng kamay nya sa likuran ko.

"Sa susunod, pumili kayo ng babaeng pagtitripan nyo!" Vince.

Kunot noong napatingin ako kay Vince habang papalayo kami. Anong pinagtitripan? E, nakishare lang naman ng table yung tao.

"Hoy! Anong eksena yun?" Hindi ko na matiis na hindi magtanong.

"Pinagtitripan ka ng mga 'yun, hindi mo pa alam?" Vince.

"Anong pinagtitripan? Gaga! Nakishare lang ng table yun."

"Gaga! Bakit naman sya makikishare ng table sayo, E ang dami daming available na table. Hindi ko alam kung anong trip nila pero kanina ko pa sila napapansin ng mga kasama nya. " Paliwanag nya.

"Shooo! Naiinggit ka lang yata kasi may pumansin saking gwapo. " Pabiro kong sabi.

"Matutuwa ako kung may gwapong lalaki ang magmamahal sayo ng seryoso Jeanie, pero kung pagtitripan ka lang naman, ibang usapan na yun. " Vince.

Nagugulat ako sa twing nagsasalita ng ganito kaseryoso si Vince. alam nyo yung feeling na, OO alam ko 100% na bakla sya. Pero the way he talks, feeling ko mas lalaki pa sya sa tunay na lalaki.

"Dun tayo sa starbucks, mas madaming gwapo dun. " naglalanding sabi nya.

Ayun lang!! baklang-

bakla talaga!