SA IYONG MUNDO

"Lumayo ka sa akin! Ayokong masaktan ka," pilit na tinutulak ni Prinsipe Reikel ang dalagang yumakap sa kanya ng mahigpit.

"Sa isang iglap, magiging halimaw na ako. At kapag naging hayop na ako, hindi na kita makikilala. Baka masaktan lamang kita."

"Wala akong pakialam, Reikel. Hindi kita iiwan. Wala akong pakialam kung isa kang prinsipe o isang halimaw. At mas gugustuhin kong masaktan mo kaysa ang iwan ka sa ganitong kalagayan," ani Denria habang umiiyak.

"Pakiusap, pakawalan mo na ako, Denria. Hindi ko na kayang pigilan ang sarili ko."

Biglang namula ang mga mata ni Prinsipe Reikel, ang itim na buhok ay naging puti, ang mapupulang labi ay naging itim at ang mga kuko ay humahaba na parang mangkukulam. Ang kanyang balat ay biglang may nagsipaglabasan na tila malalaking ugat. Mula sa isang guwapong prinsipe, nagtransform siya sa isang nakakatakot na hayop na hindi nakikilala ang sinuman kasama ang kanyang pinakamamahal na babae.

"Pakiusap, labanan mo ang iyong sarili, Reikel! Hindi ka halimaw! Ikaw ang aking minamahal na lalaki," sigaw ni Denria.

Ngunit sa kasamaang palad ay hindi na siya makilala ni Prinsipe Reikel. Gamit ang isang kamay ay sinakal siya nito at itinaas sa ere.

"Reikel! Pakawalan mo siya! Siya ang babaeng pinakamamahal mo!" sigaw ng ama ni Prinsipe Reikel.

"Hindi ko siya kilala! At wala akong minamahal na isang babae," dumadagundong ang boses na sigaw ni Reikel. Hindi niya binitawan ang leeg ni Denria at mas lalo lamang hinigpitan ang pagkakasakal sa leeg nito.

"Kahit hindi mo ako maalala, mahal pa rin kita, Reikel," sabi ni Denria habang umiiyak. Halos malagutan na siya ng hininga dahil mahigpit ang pagkakahawak ni Prinsipe Reikel sa leeg niya.

"YESHA!! Can you stop reading it so loud? Pwede mo bang basahin ng tahimik?" Galit niyang tanong sa nakababatang kapatid na babae na nagbabasa ng malakas sa paborito nitong comic book habang walang tigil na humahagikgik.

"C'mon, Sister Yassi! Don't be a killjoy. I'm almost at the very exciting scene of the male and female protagonist of the story," sagot ni Yesha sa kanya. Bahagya pa siyang inirapan nito.

"Then you should read it silently or better read it inside your room. Why do you have to read it so loud? You're inside my room, remember? Your voice and that story annoy me a lot."

"Excuse me, Sister. Hindi nakakainis ang kwento nitong komiks sa halip ay nakakakilig at nakakamangha!" Ipinagtanggol ni Yesha ang kanyang komiks.

"Oh really? How is it amazing? A prince turn into a scary beast but the girl still loves her despite his looks? And he can't even recognize her and wanted to kill her but she still loves him. It's ridiculous." She said while rolling her eye balls.

"It's not ridiculous, Sister. It's called true love. Kahit gaano pa ka nakakatakot ang itsura niya at kahit hindi na siya makilala ay mahal pa rin niya ang prinsipe. And in the first place, never siyang ginusto ni Prinsipe Reikel na masaktan. Kaya nga itinutulak niya palayo sa kanya si Denria bago siya maging halimaw para hindi niya ito masaktan. Naku, naiingit nga ako sa love story nila. Gusto ko talaga siyang makilala ng personal kung pwede lang mangyari. And I also want to meet a guy like him," sabi ni Yesha sabay kapit ng mga kamay sa dibdib na parang nananaginip.

"Gusto mong makilala ang isang lalaking katulad niya? Isang lalaking nagiging halimaw?" gulat na tanong niya sa kapatid.

"Are you in your right mind now, Yesha? I think you better stop reading that book or you will end up crazy."

Umikot lang ang mata ni Yesha. "Geez! Ate, I think you should experience how to fall in love. Para malaman mo ang pakiramdam ng inlove at ang mahalin ng isang tao," nakataas ang kilay na saad nito.

"Shut up, pwede? I don't have time for the nonsense things like that. I will not fall in love until I'm not finishing my study, okay?"

"Geez! Anong klaseng panahon na ba tayo ngayon, Ate? You're such an old fashion lady, you know?" lalo lamang siyang tinaasan ng kilay ng kanyang kapatid.

"Shut up and go to your own room. I don't care kung basahin mo ng malakas basta 'wag mo lang iparinig sa akin ang boses dahil kung hindi, itatapon ko iyan."

Tumayo si Yesha habang nakausli ang nguso. Nagdadabog na lumabas ito ng kwarto niya at naglakad papunta sa sariling kwarto. Hindi niya maiwasang mapabuntong-hininga nang tuluyan na itong nakalabas sa kuwarto niya. Hindi niya maintindihan kung bakit adik na adik ang kapatid niya sa komiks na iyon. Ano ang matututuhan nito sa pagbabasa ng librong iyon? Isa lamang itong fiction story na likha ng malawak na imahinasyon ng may akda.

Hindi naman lubusang tutol si Yassi sa kanyang kapatid na magbasa ng komiks na iyon. Kaya lang minsan ay nakakalimutan nitong gawin ang mga assignments at projects nito sa school dahil lagi nitong inuuna ang pagbabasa sa comic book kaysa sa pag-aaral. In the end, lagi siyang pinapagawa ng mama nila sa mga assignments at projects ni Yesha. Hindi siya naiinis dahil siya ang gumagawa ng mga school works ng kapatid, naiinis siya dahil habang ginagawa niya ang mga tungkulin niyo ay masaya itong nagbabasa ng komiks na iyon imbes na tulungan siya. Kaya tuloy naiinis siya sa binabasa nito. Hindi niya magugustuhan ang komiks na iyon. Hindi kailanman!

NAMAMANHID ang mga braso ni Yassi sa buong araw na pagta-type sa kanyang laptop kaya nagpasya siyang lumabas ng kanyang silid at maghanap ng makakain. Pumunta siya sa kusina at binuksan ang refrigerator. May nakita siyang yogurt at ang paborito niyang blueberry cheesecake sa loob. Kumuha lang siya ng isang yogurt at isang slice ng blueberry cheesecake at inilagay sa isang plato, umupo sa hapag-kainan at tinapos ang kanyang meryenda. Nang babalik na sana siya sa kanyang silid ay bigla niyang naalala ang kanyang kapatid na nagbabasa sa silid nito. Kumuha siya ng isang yogurt at isang slice ng blueberry cheesecake para sa kapatid niya para makapagmeryenda ito habang nagbabasa.

Yassi called her sister's name nung nasa tapat na siya ng kwarto nito. "Yesha! Natutulog ka ba?"

Walang sumasagot sa kanya mula sa loob kaya nagpasya siyang pumasok at ilagay ang meryenda sa maliit na study table na katabi ng kama nito. Nakita niya ang nakabukas na comic book sa kama kaya naisip niyang nasa loob lang ng banyo nito ang kapatid. Lalabas na sana siya nang biglang may naisip siyang masamang plano. Ngumisi siya at mabilis na kinuha ang comic book ng kapatid at nagmamadaling lumabas ng kwarto niya.

Mag-aaral na siguro ang kapatid niya kapag wala na itong mababasang komiks. Sa pagkakaalam niya, sold out na ang librong ito kaya hindi na mabibili kahit saan si Yesha.

Lumabas si Yassi sa kusina at naghanap ng lighter para masunog niya ang comic book. At nang mahanap na niya ang lighter ay mabilis siyang tumakbo pabalik sa kwarto niya at ni-lock ang pinto. Kinuha niya ang stainless trash bin at itinapon ang libro sa loob nito. Kumuha siya ng scratch paper, sinunog niya ito at inilagay sa loob ng trash bin para masunog ang comic book kasama nito. Pero nagulat siya nang hindi nasunog ang libro. Nananatili ang orihinal na hitsura at kahit konting sunog ay wala.

"What the heck! May kapangyarihan ba ng diyablo ang librong ito?" Hindi niya napigilang magtanong.

Nanlaki ang kanyang mga mata nang bumukas ang komiks at kusang naglipat sa unang pahina, kung saan nagsimula ang kuwento. Kukunin na sana niya ang libro nang may lumabas na nakakasilaw na liwanag mula rito. Napapikit siya ng mga mata. Masakit kasi sa mata ang sobrang liwanag na nagmumula sa loob ng komiks. Nang maramdaman niyang nawala na ang nakakasilaw na liwanag ay mabilis niyang iminulat ang kanyang mga mata para lamang matuklasan na wala na siya ngayon sa loob ng kanyang kwarto kundi nasa ibang lugar. Oh my God! Nasaan ako? Paano ako napunta dito? Anong klaseng lugar ito?