Savannah
Kahit naguguluhan ako kay Albrey ay natulog akong may ngiti sa mga labi. Naiisip ko na baka nag-alala lang siya sa akin ng husto.
Dahil sa puyat ay tanghali na ako nagising. Linggo ngayon, pero wala si Albrey. Baka may importante siyang pinuntahan. Biglang sumagi sa isip ko ang pagyakap niya sa akin kagabi. Napangiti ako dahil doon.
Kinahapunan ay nagpasya akong pumunta ng agency para isauli ang uniform ko. Nilabhan ko na ito at na-dryer. Napag-isip ko na hindi na pumasok dahil baka bumalik iyong lalaki kagabi. Hindi naman p'wede na bantayan ako ni Albrey doon buong duty ko nuh.
After ko sa agency ay nagkita kami ni Bea.